Prezıdent óńiraralyq qonys aýdarýdy yntalandyrý is-sharasyn ázirleýdi júktedi

EKІBASTUZ. QazAqparat – Memleket basshysy Qasym-Jomart Toqaev damý áleýeti tómen monoqala turǵyndarynyń óńiraralyq qonys aýdarýyn yntalandyrý is-sharasyn ázirleý qajettigin aıtty, dep habarlaıdy QazAqparat tilshisi.

«Damý áleýeti tómen shalǵaıdaǵy monoqalalar turǵyndarynyń oblysishilik jáne óńiraralyq qonys aýdarýyna qatysty yntalandyrýshy is-sharalar qajet. Úkimetke Óńirlerdi damytý jónindegi ulttyq joba aıasynda damý áleýeti tómen monoqalalardy kóship ketý óńirleri qataryna qosýdy tapsyramyn», - dedi Qasym-Jomart Toqaev Ekibastuzda ótip jatqan monoqalalardy damytý máselelerine arnalǵan jınalysta.

Aqordanyń Twitter-degi málimetine sáıkes, Prezıdent bul bastama azamattardyń bolashaǵy bar qalalarǵa óz erkimen qonys aýdarýyna sebep bolatynyn atap ótken.

«Bul azamattardyń mamandardy qajet etip otyrǵan bolashaǵy bar, ósip kele jatqan qalalarǵa óz erkimen qonys aýdarýyn yntalandyrady. Ónerkásiptik monoqalalar turǵyndarynyń basym bóligi qajetti jumysshy jáne ınjenerlik mamandyqtarda biliktiligi men tájirıbesi bar ekendigin jaqsy bilemiz», - dedi Memleket basshysy.