Prezıdent Oman Sultanyna quttyqtaý jedelhatyn joldady

ASTANA. KAZINFORM  - QR Prezıdenti Qasym-Jomart Toqaev óziniń jáne Qazaqstan halqynyń atynan Haısam ben Tarıq Ál Saıd pen onyń otandastaryn Oman sultandyǵynyń tól merekesi – Ulttyq kúnimen quttyqtady, dep habarlaıdy Aqorda.

Memleket basshysy jedelhatynda Oman Qazaqstannyń arab álemindegi senimdi seriktesi sanalatynyn aıtty. Sonymen qatar ekijaqty qarym-qatynas qos halyqtyń ıgiligi úshin damı beretinine senim bildirdi.

Qasym-Jomart Toqaev Haısam ben Tarıq Ál Saıdtiń asa jaýapty qyzmeti men barlyq bastamasyna tabys, al Oman halqyna qut-bereke tiledi.

Buǵan deıin habarlaǵandaı, Memleket basshysy Palestına Prezıdentine quttyqtaý jedelhatyn joldady. 

Qasym-Jomart Toqaev Mahmud Abbas pen onyń otandastaryn Palestınanyń tól merekesi — Táýelsizdik kúnimen quttyqtady.