Prezıdent Oman Sultanyna quttyqtaý jedelhatyn joldady

ASTANA. KAZINFORM - Qasym-Jomart Toqaev Haısam ben Tarıq Ál Saıd pen onyń otandastaryn sultandyqtyń Ulttyq kúnimen quttyqtady, dep habarlaıdy Aqordanyń baspasóz qyzmeti.

Memleket basshysy elimiz Omandy arab álemi men Taıaý Shyǵystaǵy senimdi ári mańyzdy seriktesteriniń biri dep qarastyratynyn jazdy.

Sonymen qatar Astana men Masqat arasyndaǵy dostyqqa, ózara tıimdi yntymaqtastyqqa negizdelgen qatynastardyń tuǵyry bıik, áleýeti zor ekenine toqtaldy.

Qasym-Jomart Toqaev Haısam ben Tarıq Ál Saıdtyń jaýapty qyzmetine tolaǵaı tabys, al Oman halqyna qut-bereke tiledi.

Osyǵan deıin Memleket basshysy Palestına Prezıdentine quttyqtaý jedelhatyn joldaǵan bolatyn.