Prezıdent Bektenovke Úkimettiń ekonomıkalyq baǵdarlamasyn iske asyrýǵa qatysty tapsyrma berdi
ACTANA. KAZINFORM – Prezıdent Premer-mınıstr Oljas Bektenovke osy aptanyń sońyna deıin azamattardyń múddesin eskere otyryp, Úkimettiń ekonomıkalyq reformalar baǵdarlamasyn iske asyrý úderisin retteýge qatysty naqty sharalar ázirleýdi tapsyrdy. Bul týraly Prezıdenttiń kómekshisi – Baspasóz hatshysy Rýslan Jeldibaı áleýmettik jelide jazdy.
Úkimetke shaǵyn jáne orta bıznesti qoldaýǵa, ınvestıtsııalyq ahýaldy jaqsartýǵa, sondaı-aq eldegi ekonomıkalyq jaǵdaıdy turaqtandyrýǵa baǵyttalǵan túzetýler engizip, qajetti sheshimder qabyldaý mindeti júkteldi.
Memleket basshysy Úkimettiń ekonomıkalyq saıasatynyń negizgi parametrleri Qazaqstannyń strategııalyq múddesine saı keledi, sonymen qatar onda jahandyq konıýnktýra men qazirgi naryqtyq úrdister eskerilgen dep sanaıdy.
Aıta keteıik, Prezıdent Qasym-Jomart Toqaev BUU Bas Assambleıasynyń 80-sessııasyndaǵy Jalpy debatta elimizdegi saıası reformalar jóninde málimet berdi.