Prezıdent oqýshylardyń tsıfrlyq profılderin jasaýdy tapsyrdy
ASTANA. KAZINFORM — Prezıdent Qasym-Jomart Toqaev jasandy ıntellektini damytý jónindegi keńestiń alǵashqy otyrysynda oqýshylardyń tsıfrlyq profılderin jasaýdy tapsyrdy.
— Onda ár balanyń oqý úlgerimi, myqty qyrlary men jetistikteri tirkeledi. Al bul, óz kezeginde, ýnıversıtet baǵdarlamasyn ońtaılandyryp, joǵary oqý ornyn merziminen buryn támamdaýǵa múmkindik beredi. Budan bólek, jasandy ıntellekt tsıfrlyq profıl negizinde kásiptik baǵdar júıesin jasaqtaıdy. Oqýshylarǵa qarym-qabiletine saı damý joldary, kýrstar men jobalardy tańdaý erkindigi usynylýy kerek. Bul bolashaq ınjenerlerdi, zertteýshilerdi, dárigerlerdi, muǵalimder men kásipkerlerdi aldyn ala anyqtaýǵa jol ashady. Osylaısha, árbir adam óz qabiletin paıdalanyp, ómirden laıyqty ornyn tabady. Úkimetke jańa JI ýnıversıtetimen ıntegratsııalanǵan oqýshylardyń ulttyq tsıfrlyq profılder júıesin qurýdy tapsyramyn, — dedi Memleket basshysy.
Aıta keteıik, elordada Memleket basshysynyń tóraǵalyǵymen Jasandy ıntellektini damytý jónindegi keńestiń alǵashqy otyrysy ótti.
Buǵan deıin Prezıdent Qasym-Jomart Toqaev elimizde jasandy ıntellekt salasyna mamandanǵan jańa zertteý ýnıversıtetin qurýdy tapsyrǵan edi.