Prezıdent ókilettigin uzartý týraly bastamanyń halyqtan qoldaý tabýy bolashaq reformalardyń oryndalýyna járdemdesedi - Reseı sarapshysy V. Sednev
ASTANA. 11 qańtar. QazAqparat /Qanat Mámetqazyuly/ - Qazaqstan Prezıdentiniń ókilettigin uzartý týraly referendýmnyń halyqtan qoldaý tabýy eldegi bolashaq reformalardyń oryndalýyna járdemdesedi.
Búgin Astanada «Postkeńestik damýdyń 20 jyldyǵy: nátıjeler men jańa úrdister» atty taqyrypta ótken Eýrazııalyq sarapshylar jıyny barysynda Reseıdegi «Qoǵamdyq pikir» qorynyń bas sarapshysy Vıtalıı Sednev osylaı málim etti.
«Qazaqstan búgingi tańda postkeńestik keńistikte ekonomıkalyq damý baǵytynda kóshbasshy memleketke aınalyp otyr. TMD-nyń kópshilik elderi daǵdarysqa qarsy saıasat boıynsha da, bazalyq ekonomıkalyq reformalar boıynsha da qazaqstandyq úlgige den qoıýda. Budan bólek, qazirgi kúni biz jahandyq qarjy daǵdarysyna qarsy Qazaqstan qabyldaǵan jedel áreketterdi, bank sektoryn saýyqtandyrý máselesin saralaýdamyz. Osyndaı halqynyń ıgiligi úshin qabyldanǵan sharalar tolyq aıaqtalýy shart. Búgingi kúni Qazaqstan halqy ózderiniń tarapynan buqaralyq bastama kóterý arqyly osyndaı sátte jumyla alatynyn kórsetti», - dedi V. Sednev.
Onyń aıtýynsha, referendýmdy sátti ótkizý arqyly qazaqstandyqtar qolǵa alynǵan reformalardyń odan ári tıimdi júrgizilýine járdemdesedi.
