Prezıdent «OA-Qytaı» formatyndaǵy smart-ınnovatsııalardy Astana Hub arqyly ilgeriletýdi usyndy

ASTANA. KAZINFORM — Memleket basshysy Qasym-Jomart Toqaev «Ortalyq Azııa-Qytaı» sammıtinde birlesken smart-ınnovatsııalardy Astana Hub arqyly ilgeriletýdi usyndy.

— Kúzde Astanada Alem Ai halyqaralyq jasandy ıntellekt ortalyǵy ashylady. Oǵan Qazaqstannyń ınnovatsııalyq damýynyń qozǵaltqyshy bolady degen úmit artylyp otyr. Ortalyq Azııa-Qytaı baılanysynyń aıasynda Astana Hub tehnoparkiniń alańyn smart-ınnovatsııalardy ilgeriletýge paıdalanýdy usynamyz, — dedi Toqaev.

Sondaı-aq, Prezıdent bul perspektıvaly jobaǵa barlyq sheteldik ınvestorlar qatysa alatynyn atap ótti.

Aıta keteıik, elordada «Ortalyq Azııa — Qytaı» ІІ sammıti ótip jatyr. Іs-sharaǵa Memleket basshysy Qasym-Jomart Toqaev, QHR tóraǵasy Sı Tszınpın, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japarov, Túrikmenstan Prezıdenti Serdar Berdimuhamedov jáne Tájikstan Prezıdenti Emomalı Rahmon qatysyp otyr.

«Ortalyq Azııa — Qytaı» І sammıti 2023 jyldyń 19 mamyrynda Qytaıdyń Sıan qalasynda ótken edi.

Buǵan deıin Toqaev «Qorǵas» Qytaımen saýda-ekonomıkalyq baılanystarda Ortalyq Azııanyń basty qaqpasyna aınala alatynyn aıtty.

Sonymen qosa Qazaqstan Qytaımen jasandy ıntellekt, bıotehnologııa, kvanttyq esepteý salalarynda birlesken jobalardy iske asyrýǵa múddeli ekeni aıtyldy.