Prezıdent: Nursultan Nazarbaevtyń esimi eshqashan umytylmaıdy
ASTANA. KAZINFORM — Memleket basshysy Qasym-Jomart Toqaev Respýblıka kúnine arnalǵan saltanatty jıynda sóz sóıledi, dep habarlaıdy Aqordanyń baspasóz qyzmeti.
Onyń sózinshe, elde birtutas qoǵam bolyp Ádiletti Qazaqstandy qurý isin qolǵa alyndy.
— Biz bárimiz birtutas qoǵam bolyp Ádiletti Qazaqstandy qurý isin qolǵa aldyq. Ádilettilik qaǵıdattaryn halqymyz arasynda dáriptep jatyrmyz. Shyn máninde, ádilettilik eń joǵary rýhanı qundylyq desek durys bolady. Jańa partııaǵa «Ádilet» ataýyn berdik. Biz tarıhı úrdisterge ádiletti kózben qarap, ádil baǵa berýimiz kerek. Sondyqtan Egemen Qazaqstannyń negizin qalaýǵa, onyń óte kúrdeli ekonomıkalyq jaǵdaıda damýyna, elimizdiń kóptegen tarıhı jetistikke qol jetkizýine zor úles qosqan Tuńǵysh Prezıdent Nursultan Ábishuly Nazarbaevtyń esimi eshqashan umytylmaıdy dep oılaımyn. Sebebi, bul — ádilettilikke saı keletin másele, — dedi Qasym-Jomart Toqaev.
