Prezıdent Nurlybek Nálibaevqa ınvestıtsııalyq klımatty jaqsartý baǵytynda birqatar tapsyrma berdi
ASTANA. KAZINFORM – Prezıdentke Qyzylorda oblysynyń ınvestıtsııalyq jobalary tanystyryldy, dep habarlaıdy Aqordanyń baspasóz qyzmeti.
Qasym-Jomart Toqaevqa Orient Ceramic KZO kompanııasynyń qysh taqta óndiretin zaýyty, Fabe Agro jylyjaı kesheni, With You qatty turmystyq qaldyqtardy óńdeıtin kásiporny, Seven Rivers Technologies kompanııasynyń shyny ydystar óndirisi jáne basqa da jobalar jóninde baıandaldy.
Prezıdentke shyny klasterin damytý jáne bý-gaz qondyrǵysy, taý-ken baıytý fabrıkasy, kaltsıılendirilgen soda óndirý zaýyty, taýarly sút fermasy jobalaryn iske asyrý jospary jaıynda aıtyldy.
Memleket basshysy alǵa qoıǵan josparlardy ýaqtyly jáne sapaly iske asyrýdyń mańyzyn atap ótti. Sondaı-aq oblys ákimi Nurlybek Nálibaevqa ınvestıtsııalyq klımatty jaqsartý jáne bıznes júrgizý úshin qolaıly jaǵdaı jasaý baǵytyndaǵy jumystardy jalǵastyrýdy tapsyrdy.
Osyǵan deıin Nurlybek Nálibaev Prezıdentke óńirdiń damýy jóninde esep bergen bolatyn.
