Prezıdent «Nura» aýdanyndaǵy Greenline býlvaryn aralap kórdi
ASTANA. KAZINFORM — Aýmaǵy 3,8 gektar bolatyn nysandaǵy jumystyń birinshi kezeńi aıaqtalǵan, dep habarlaıdy Aqordanyń baspasóz qyzmeti.
Munda jaıaý júrginshilerge jáne velosıpedshilerge arnalǵan joldar, sáýlettik qalyptar jáne jasandy toǵandar bar.
Memleket basshysyna Astana qalasyndaǵy abattandyrý jumystary jaıynda málimet berildi.
Jeńis Qasymbek elordada qazir 170 qoǵamdyq keńistik pen aýlany abattandyrý boıynsha keshendi baǵdarlama iske asyrylyp jatqanyn aıtty. Bul jumystar Botanıkalyq baqta, Trıatlon parkinde, Atatúrik, Beıbitshilik jáne kelisim, Prezıdent saıabaqtary men qalanyń negizgi kóshelerinde júrgizilip jatyr.
Sonymen qatar «Myńjyldyq» alleıasyn abattandyrýdyń tujyrymdamasy jasaldy. Esil ózeniniń jaǵalaýyn rekonstrýktsııalaý sharalary aıaqtalýǵa jaqyn.
Memleket basshysy qala ınfraqurylymyn jetildirý, turǵyndarǵa zamanaýı ári qolaıly, ekologııalyq turǵydan taza orta qalyptastyrý baǵytyndaǵy jumystardy jalǵastyrý jóninde tapsyrma berdi.
Osyǵan deıin Memleket basshysy «Taza Qazaqstan» ekologııalyq aktsııasyna qatysqanyn jazǵan edik.