Prezıdent Pashınıandy Armenııa Premer-mınıstri laýazymyna qaıta taǵaıyndalýymen quttyqtady
ASTANA. KAZINFORM — Qasym-Jomart Toqaev Nıkol Pashınıandy Armenııa Premer-mınıstri laýazymyna qaıta taǵaıyndalýymen quttyqtap, armıan halqynyń ıgiligi jolyndaǵy memlekettik qyzmetine tabys tiledi. Bul týraly Aqorda málim etti.
— Nıkol Pashınıan jyly lebizge rızashylyǵyn bildirip, Qazaqstan Prezıdenti men halqyna Quryltaı saılaýyn sátti ótkizýge tilektestigin jetkizdi. Prezıdent pen Premer-mınıstr qazaq-armıan qarym-qatynasy qarqyndy túrde damyp kele jatqanyna kóńil tolatynyn atap ótip, eki el arasyndaǵy san qyrly yntymaqtastyqty tereńdetýge daıyn ekenderin rastady. Sonymen qatar buǵan deıin, sonyń ishinde byltyr qarasha aıynda Armenııa Úkimeti basshysynyń Astanaǵa jasaǵan resmı sapary kezinde qol jetkizilgen ýaǵdalastyqtardy iske asyrý barysy talqylandy, — delingen habarlamada.
Saýda-ekonomıkalyq, kólik-logıstıkalyq jáne mádenı-gýmanıtarlyq salalardaǵy yqpaldastyqty keńeıtýge basa nazar aýdaryldy.
Buǵan deıin Memleket basshysy Qasym-Jomart Toqaev Shveıtsarııa Prezıdentine quttyqtaý jedelhatyn joldaǵan edi.
