Prezıdent Nı Chjenmen elektr qýatyn óndirý, energetıkaǵa qatysty máseleni talqylady

ASTANA. KAZINFORM – Memleket basshysy Beıjińde China Energy Engineering Group kompanııasynyń bas dırektory Nı Chjenmen kezdesti, - dep habarlaıdy Aqorda.

Qasym-Jomart Toqaev pen Nı Chjen yntymaqtastyqtyń negizgi baǵyttary men birlesken jobalardy damytýdyń jaı-japsaryn talqylady.

Áńgimelesý barysynda elektr jelileri ınfraqurylymyn jańǵyrtý men keńeıtýge, data-ortalyq salýǵa, sondaı-aq qaldyqtardy qaıta óńdeý arqyly elektr qýatyn óndirý jobasyn júzege asyrýǵa qatysty máselelerge nazar aýdaryldy.

Energy China kompanııasy Qazaqstannyń soltústigi men ońtústigin jalǵaıtyn turaqty elektr jelileriniń qurylysyn júrgizýge nıet tanytyp otyr. Sondaı-aq jańartylatyn energetıka jobalaryn iske asyrý múmkindigin qarastyrady.

Fortune Global 500 reıtıngine kiretin halyqaralyq iri kompanııa jel, kún jáne jylý qýatyn óndirý, ıadrolyq energetıka, sý únemdeý men gıdroenergetıka salalarynda jumys isteıdi.

Prezıdent buǵan deıin Sany Group kompanııasy dırektorlar keńesiniń tóraǵasyn qabyldady.