Prezıdent nelikten halyqqa Joldaýynda tsıfrlandyrýǵa basa nazar aýdardy

ASTANA. QazAqparat - QR Prezıdenti janyndaǵy strategııalyq zertteýler ınstıtýty dırektorynyń orynbasary Sanat Kóshkinbaev Memleket basshysy Nursultan Nazarbaevtyń halyqqa Joldaýynda qatysty málimdemesine pikir berdi, dep habarlaıdy QazAqparat tilshisi.

«Erteń jarııalanatyn Prezıdent Joldaýynyń mazmuny qazirgi ýaqytta álemniń tehnologııalardy damytýǵa kóshkenin, ıaǵnı tehnologııalyq tóńkeristiń bolyp jatqanyn kórsetedi. Qazaqstanǵa osy trendterge qatysý asa qajet. Prezıdent óz málimdemesinde tehnologııalyq jáne ekonomıkalyq turǵyda artta qalmaý úshin Qazaqstanǵa qabyldaýy qajet naqty mindetterdi usyndy. Demek, bul rette aqparattyq-kommýnıkatsııalyq tehnologııalar salasynda eńbek ónimdiligin arttyrý týraly sóz qozǵalyp otyr», - deıdi Sanat Kóshkinbaev.

Onyń aıtýynsha, Qazaqstanda qolǵa alynyp jatqan baǵdarlamalar, naqtyraq aıtqanda «Tsıfrlyq Qazaqstan» baǵdarlamasy osy mindetterdi oryndaýǵa baǵyttalǵan.

Sanat Kóshkinbaevtyń paıymdaýyna qaraǵanda, Qazaqstan básekege qabiletti bola túsýi kerek. Sarapshynyń sózine súıensek, usynylǵan sharalar bilim salasyna, kadrlardy daıarlaýǵa arnalǵan.

«Demek, muǵalimderdiń aılyǵyn kóterý týraly másele kóterilip otyr. Bizdegi bilim salasy zamanaýı trendter men ýaqyt talabyna jaýap bere alatyndaı básekege qabiletti bolýy kerek. Osynaý ózgeristerdiń mazmuny bizdiń «Indýstrııa 4.0» paradıgmasyna saı kelý kerektigin kórsetedi», - deıdi ol.

Eske sala ketsek, búgin Nursultan Nazarbaev Qazaqstan halqyna arnalǵan jyl saıynǵy Joldaýyna baılanysty teleefırde jasaǵan málimdemesinde el aldyndaǵy 10 negizgi mindetti ataǵan bolatyn.