Prezıdent neke ınstıtýtyn «er men áıeldiń erikti, resmı odaǵy» dep zańmen bekitýdi usyndy

QYZYLORDA. KAZINFORM – Ár azamattyń tańdaý quqyǵy bar, biraq bul tańdaýdy eshkim kúshpen tańa almaıdy. Memleket basshysy Qasym-Jomart Toqaev Ulttyq quryltaıdyń V otyrysynda ádepke jat minez-qulyq pen  «balama» moraldyq qundylyqtardy ótkir synady.

– Túrli saıası avantıýrısterge ulttyń negizgi qundylyqtaryna nuqsan tıgizýge, jastardy sánge aınalǵan «balama» moraldyq qundylyqtardyń jalǵan jolyna baǵyttaýǵa jol berýge bolmaıdy. Neni meńzegenimdi bári túsingenine senimdimin. Memleket dástúrli mádenı qundylyqtardy qorǵaýǵa mindetti, al zııandy, ashyq aıtsaq, ádepke jat minez-qulyqty nasıhattaýǵa qarsy turýy qajet, – dedi Qasym-Jomart Toqaev.

Prezıdent qoǵamymyzda neke ınstıtýtyn er men áıeldiń erikti qurylatyn, memlekettik mekemede resmı kýálandyrylatyn odaǵy retinde zań júzinde nyǵaıtý kerek ekenin atap ótti.

– Bul rette memlekettiń resmı ustanymyna qaıshy kózqarastar úshin qylmystyq qýdalaý nemese moraldyq kemsitýdi jol bermeý kerek. Memlekettiń ustanymyn bylaısha tujyrymdaýǵa bolady: «Ár azamattyń tańdaý quqyǵy bar, biraq bul tańdaýdy eshkim kúshpen tańa almaıdy. Bizdiń memleket barlyq azamattyń quqyǵy men bostandyǵyn, abyroıy men qadir-qasıetin myqtap qorǵaıdy, – dedi Memleket basshysy.

Aıta keteıik, Ulttyq quryltaıdyń V otyrysynyń mátin translıatsııasyn Kazinform saıtynan oqýǵa bolady.