Prezıdent NEET-jastardyń keleshegine alańdap otyr – zertteýshi
«Memleket basshysy Joldaýynda NEET sanatyndaǵy jastardyń máselesine nazar aýdarý kerektigin atap ótti. ıAǵnı, ne jumys istemeıtin, ne oqý oqymaıtyn, óz betimen qalǵan jastarǵa kóńil bólinedi degen sóz. Elimiz boıynsha bul sanatqa jatatyn jastardyń úlesi 2021 jyldyń birinshi jartysynda 6,7 paıyzǵa jetken. Sonda shamamen 230 myńnan astam jas azamat ne jumyssyz, ne bilimsiz qalyp otyr degen sóz. Osy máseleni sheshýdiń joly retinde Prezıdent kásiptik bilimmen tegin qamtý máselesi áli ózekti ekenin aıtty.
Bizdiń ortalyq uıymdastyryp jatqan zertteýlerdiń deregine súıensek, jastardyń 40 paıyzy óz mamandyǵy boıynsha jumys istemeıdi. Sondyqtan, Joldaýdy júzege asyrý úshin granttardy bólý kezinde jumyspen qamtylý deńgeıi joǵary kolledjderge basymdyq berý kerek dep oılaımyz», - deıdi ortalyq dırektory.
Sarapshy sońǵy birneshe jylda memleket tarabynan pedagogterdiń mártebesin arttyrý jáne jalaqysyn kóbeıtý boıynsha birqatar jumys júrgizilgenin aıtady.
«Memleket basshysy oqýshylardy yntalandyryp, bilim berýdi paıdaly ári ınklıýzıvti etýdiń mańyzy zor ekenin atap ótti. Sondaı-aq ol óńirlik jáne halyqaralyq deńgeıdegi túrli olımpıadalarda jetekshi oryndarǵa qol jetkizgen oqýshylarǵa erekshe nazar aýdardy. Sonymen qatar Prezıdent kásibı baǵdarlaý máselesin de qozǵady. Bıyl Aqparat jáne qoǵamdyq damý mınıstrligi «Profnavıgatsııa» jobasyn iske qosqan bolatyn. Búginge deıin 20 myńnan astam joǵary synyp oqýshysy men jas azamat suranysqa ıe mamandyqtar boıynsha daǵdylary men beıimdiligin arttyryp shyqty», - deıdi zertteýshi
«Jastar» ǵylymı-zertteý ortalyǵynyń dırektory Prezıdenttiń aqparattyq tehnologııalar salasynda keminde 100 myń maman daıyndaý týraly tapsyrmasyna da toqtaldy.
«Qazir tehnologııalyq progress qarqyndy damyp keledi. Al tsıfrlyq ónim men qyzmet árbir qazaqstandyqtyń ómirinde ajyramas bólikke aınaldy. Memlekettik qyzmetterdiń kóbi smartfondar arqyly berilip jatyr. Osy rette, Memleket basshysy atalǵan baǵyttyń mańyzy zor ekenin atap ótip, aqparattyq tehnologııalar salasynda keminde 100 myń maman daıyndaýdy tapsyrdy. Bul tapsyrma Qazaqstannyń IT-ındýstrııasyn damytýǵa jańa serpin bereri sózsiz. Al Prezıdenttiń Qazaqstandy óńirlik, keıinnen qurlyqtyq deńgeıdegi tsıfrlyq habqa aınaldyrý týraly paıymy jas IT-mamandar úshin zor múmkindikter berip, áleýetin tolyq ashý úshin qolaıly jaǵdaılar jasaıdy», - deıdi sarapshy.
Onyń pikirine qaraǵanda, Qasym-Jomart Toqaev osy Joldaý arqyly jastardyń sapaly bilim alýy, derbes damýy men naryqta laıyqty jumys tabýy árdaıym nazar ustaıtynyn kórsetken.
