Prezıdent Nazarbaev Ýnıversıtetine oqýǵa túsetinder jaıyndaǵy qaýesetke jaýap berdi
ASTANA. QazAqparat - Elbasy Nazaraev Ýnıversıteti men Nazarbaev zııatkerlik mektepteriniń esigi barlyq adamdarǵa ashyq ekenin atap ótti, dep habarlaıdy QazAqparat.
«Oqýǵa túsý óte obektıvti jáne qandaı da bir sýbektıvti faktorlarǵa qatysty emes. Bul negiz bolatyn ustanym, osyny barlyǵy bilýi tıis. Ýnıversıtet qandaı da bir erekshe top úshin ashyq ekenin, sondaı-aq oǵan qomaqty qarjy jumsalyp jatyr degen belgili bir elıtanyń qaýeseti bar ekenin bilemin. Bul qarjy Qazaqstannyń bolashaǵy úshin ıgerilýde. Bul ýnıversıtet bizdiń eldiń aktıvi, al túlekter bizdiń bolashaqtyń altyn qory. Oqýǵa túsýge 10 myńǵa deıin talapker úmitti bolǵanymen, olardyń arasynan 400-500 talapker oqý ornynyń stýdenti atanady. Jetistikke jetkender men básekege tótep bergender obektıvti túrde oqýǵa túsedi»,-dep qadap aıtty Nursultan Nazarbaev.
Osy oraıda Memleket basshysy joǵary oqý ornynda barsha Qazaqstannan eń talantty degen jastar bilim alyp jatqanyn jetkizdi.
Aıta keteıik, Elbasy bıyl Nazarbaev Ýnıversıtetin támamdaǵan túlekterdi quttyqtap, doktorantýra baǵdarlamasynyń alǵashqy toǵyz túlegine dıplomdaryn tabystady. Bıyl oqý bitirgen stýdentter sany 737 adam,onyń ishinde bakalavrıat baǵdarlamasy boıynsha 499 túlek, magıstratýra baǵdarlamasy boıynsha 229 stýdent jáne PhD dárejesine ıe bolǵan doktorantýra baǵdarlamasynyń eń alǵashqy 9 túlegi bar. Erekshe úlgidegi dıplomǵa 75 túlek ıe boldy.
