Prezıdent nashaqorlyqqa qarsy shtabty Úkimet deńgeıine kóterýdi tapsyrdy

ASTANA. KAZINFORM – Buǵan deıin habarlanǵandaı, búgin Prezıdent Qasym-Jomart Toqaevtyń tóraǵalyǵymen ótken Qaýipsizdik Keńesiniń otyrysynda narkotızmge qarsy kúres máseleleri qaraldy. 

— Jıyn qorytyndysy boıynsha Memleket basshysy Nashaqorlyqqa jáne esirtki qylmysyna qarsy is-qımyl máseleleri jónindegi vedomstvoaralyq shtabty Іshki ister mınıstrliginiń qaraýynan alyp, Qazaqstan Respýblıkasy Úkimetiniń deńgeıine kóterýdi tapsyrdy.

Bul nashaqorlyqpen jáne esirtki saýdasymen kúresti jandandyrýǵa, sondaı-aq tıisti memlekettik organdar arasyndaǵy jumysty anaǵurlym tıimdi úılestirýge múmkindik beredi, — dep jazdy Qazaqstan Prezıdentiniń keńesshisi — baspasóz hatshysy Rýslan Jeldibaı. 

Aıta ketelik Prezıdent Qasym-Jomart Toqaevtyń tóraǵalyǵymen Qazaqstan Respýblıkasy Qaýipsizdik Keńesiniń otyrysy ótti. Jıynda nashaqorlyq kúrdeli áleýmettik jáne quqyqtyq qubylys retinde qarastyrylyp, narkotızmge qarsy is-qımyl máseleleri talqylandy.