«Prezıdent N.Nazarbaev jáne qazirgi zamanǵy Qazaqstan» dep atalatyn 3 tomdyq jańa kitap jaryq kórdi
/strong>Mamyrdyń 19-y. QazAqparat /Erlik Erjanuly/ - Búgin Almatyda «Qazaqstan jáne qazirgi zamanǵy jahandyq qaýip-qaterler» dep atalatyn halyqaralyq ǵylymı-tájirıbelik konferntsııa aıasynda «Prezıdent N.Nazarbaev jáne qazirgi zamanǵy Qazaqstan» dep atalatyn 3 tomdyq jańa kitaptyń tusaýkeseri ótti,
dep habarlaıdy QazAqparat.
Kitaptyń 1-shi tomy «N.Nazarbaev jáne Qazaqstannyń áleýmettik-ekonomıkalyq damýy», 2-shi tomy «N.Nazarbaev jáne Qazaqstannyń saıası reformalar strategııasy», 3-shi tomy «N.Nazarbaev jáne Qazaqstannyń ishki saıasaty» dep atalady. Jınaq «Astana - keshendi áleýmettik zertteýler ınstıtýty» qoǵamdyq qorynyń qarjylandyrýymen jaryq kórip otyr. Jınaqqa Elbasynyń respýblıkalyq jıyndarda, memleketaralyq sammıter men halyqaralyq forýmdarda jáne basqa da túrli basqosýlarda sóılegen sózderi, dáristeri, maqalalary, suhbattary toptastyrylǵan.
«19 jyl buryn biz qazaqstandyq joldy bastaǵan kezde jaǵdaı óte kúrdeli bolatyn. Qazaqstan ótken ǵasyrdyń 90 jyldary júıeli áleýmetik-ekonomıkalyq daǵdarysty bastan ótkizdi. Sonyń saldarynan ónerkásip quldyrap, gıperınflıatsııa orny aldy. Ekonomıkalyq qurylysty ózgertý halyqtyń ómir súrý deńgeıin kúrt tómendetti. Bul bireýge unaýy, bireýge unamaýy múmkin, biraq táýelsizdikti qalyptastyrý Qazaqstannyń Tuńǵysh Prezıdenti Nursultan Nazarbaevtyń esimimen tikeleı baılanysty», deıdi QR Prezıdenti janyndaǵy strategııalyq zertteýler ınstıtýtynyń dırektory Bolat Sultanov.
