Prezıdent N.Nazarbaev tek óz eline ǵana emes, búkil álemge syıly - elshi A.Sadjanhar
/strong>Sáýirdiń 22-i. QazAqparat / Ádilet Musahaev / - QR Prezıdentiniń kúsh-qýaty, aqyl-oıynyń joǵarylyǵy, batyldyǵy, ıntellektýaldylyǵy men jumysqa degen qushtarlyǵy meni ylǵıda tań qaldyrýda.
Bul jaıynda Úndistannyń QR-ǵy Tótenshe jáne Ókiletti elshisi Ashok Sadjanhar Almatyda ótken konferentsııa barysynda aıtty, dep habarlaıdy QazAqparat.
«Onyń kósh basshylyq qasıetteri kóńil qýantarlyq. Táýelsizdik alǵan jyldary N.Á. Nazarbaevtyń qolǵa alǵan «Bolashaq» biregeı baǵdarlamasy óte durys sheshim jáne basqa damýshy elderde onyń esh teńdesi joq», deıdi elshi. Onyń aıtýynsha, Keńes Odaǵy ydyraǵannan keıingi ekonomıkalyq qıyn kezeńge qaramastan Qazaqstan osyndaı baǵdarlamany júzege asyrýǵa batyl qadam jasaǵan. «Sońǵy jyldary bul baǵdarlama eldegi ekonomıkalyq jáne saıası damýda óte mańyzdy ról atqarýda», deıdi A.Sadjanhar.
Sondaı-aq ol QR Prezıdenti 1992 jyly BUU Bas Assambleıasynyń 47-shi sessııasynda Azııadaǵy is-qımyl jáne senim sharalary jónindegi bastamany kótergendigin aıtyp ótti. «Úndistan bul bastamany ol bastan-aq qoldap keledi, Azııadaǵy qaýipsizdik pen senim sharalaryn budan tys jerlerde de qoldaý bildirýde», deıdi elshi.
A.Sadjanhardyń aıtýynsha, Prezıdent Nursultan Nazarbaev tek óz eline ǵana emes, búkil álemge syıly.
