Prezıdent N Nazarbaev qazaqstandyq birliktiń shynaıy ómirde oryn alyp otyrǵanyn mysalmen kórsetti
ASTANA. 3 qyrkúıek. QazAqparat - Búgin 5-shi shaqyrylǵan Parlamenttiń ekinshi sessııasyn ashý barysynda sóz sóılegen Memleket basshysy Nursultan Nazarbaev qazaqstandyq birliktiń shynaıy ómirde oryn alyp otyrǵanyna toqtalyp, ol týrasynda naqty mysaldar keltirdi.
Sóz arasynda Elbasy Nursultan Ábishuly jaqynda elimizde tuńǵysh ret naýqasqa donordyń júregin aýystyryp salý operatsııasy sátti ótkenin, sonyń arqasynda Qazaqstan mundaı operatsııa jasaıtyn 20 eldiń qataryna engenin atap ótti.
«Bul rette jas otandasymyz Igor Vorotnıkov búginge barsha qazaqstandyqtardyń aýzynan túspeı júrgen izgi qadam jasady. Anasy mezgilinen buryn qaıtys bolyp, qasiret jutqan ol eń qıyn sátte ózge adamdardyń ómirine arasha túse aldy. Ol anasynyń júregi men búıregin donor múshesine muqtaj adamdarǵa berý týraly sheshim qabyldady. Sóıtip, taǵdyrlary qyl ústinde turǵan - Jánibek Ospanov, Evgenıı Kýrsqa jańa ómir syılady. Anasynan aıyrylǵan ol qany bólek bolǵanymen, jany bir baýyrlar tapty. Oılap qarasaq, orystyń balasy anasynyń júregin - qazaqqa, búıregin - nemiske tapsyrdy, operatsııany ulty káris - ıÝrıı Pıa, áriptesi cheh Jan Pelıkpen birge jasady. Munyń barlyǵyn aıtyp turǵanym - mine, qazaqstandyq birlik, bir-birimizge janashyrlyq degen osylaı bolýy kerek», - dedi N. Nazarbaev. Sonymen qatar, Prezıdent munyń naqty jeke mysal ekenin, «degenmen óte jaqsy kórsetkish, úlgilik tálim-tárbıe bolyp sanalatynyn» aıtty. «Bul naǵyz azamattyń isi. Meniń halyq birligi týraly ıdeıam ómirde osylaı kórinis tapqany qýandyrady», - dedi Memleket basshysy.
