Prezıdent murajaıy balalardyń shat-shadyman kúlkisine toldy

Bul jerde elorda kúnine arnalǵan «Astanam - baqyt qalasy» atty balalar merekesi ótti.

Astana qalalyq №11 «Gaýhar» balabaqshasynyń búldirshinderi Qazaqstannyń kópultty memleket ekendigin kórsetetin san túrli halyqtardyń bılerin oryndap, óz ónerlerin pash etti. «Astana» ánin shyrqap, ata-analar men jınalǵan jurtty tánti etti. «Búginde Qazaqstan Respýblıkasynyń Tuńǵysh Prezıdenti murajaıy mektepke deıingi balalardyń tárbıesine erekshe kóńil bólip keledi. Ol úshin Astana qalasynyń Bilim basqarmasymen tıisti kelisim de bar. Qazirgi tańda balǵyndardyń boıynda ózge ulttarǵa qurmetpen qaraý mádenıetin qalyptastyryp, patrıottyq sezimdi ushtaý asa mańyzdy. Sol sebepti biz osy ispetti sharalardy jıi ótkizýge tyrysamyz», - deıdi murajaı dırektorynyń orynbasary Botagóz Qaıypova.