Prezıdent muraǵatynda el tarıhyna qatysty 1 mln astam qujat saqtalǵan
«2022 jyly bizdiń jumysymyzda túbegeıli ózgerister boldy. QR Prezıdentiniń Jarlyǵyna sáıkes jańa ereje bekitildi, uıymdyq nysany men qurylymy ózgertildi, jańa fýnktsııalar men mindetter bekitildi. Muraǵatty 2035 jylǵa deıin damytý tujyrymdamasy ázirlendi, onda QR Ulttyq muraǵat qorynyń qujattaryn jınaqtaý, esepke alý, saqtaý jáne paıdalaný jónindegi mekemeniń qyzmetin jańǵyrtý, muraǵat isin tsıfrlyq túrlendirý, muraǵat isi men qujat júrgizý salasynda ǵylymı, ádistemelik jáne úılestirý ortalyǵy retinde qalyptasý baǵyttary naqtylanǵan», - deıdi Álııa Mustafına.
Aıtýynsha, byltyr muraǵatta qoldanbaly jáne ǵylymı jobalar ortalyǵy, oqý-ádistemelik ortalyq jáne 20 ǵasyrdaǵy saıası qýǵyn-súrgin materıaldaryn zertteý ortalyǵy uıymdastyryldy.
«Muraǵatta HH ǵasyrdaǵy saıası qýǵyn-súrgin materıaldaryn zertteý ortalyǵynyń ashylýymen el aýmaǵynda 20 ǵasyrdaǵy saıası qýǵyn-súrgin qurbandarynyń qujattaryn saqtaýǵa arnalǵan mamandandyrylǵan qoıma paıda boldy. Nátıjesi de tań qalarlyq: 260 myńnan astam muraǵattyq istiń qujattary qabyldandy, qabyldaý áli de jalǵasýda. Muraǵat osy taqyryp boıynsha áleýmettik-quqyqtyq suranystardy oryndaýǵa kiristi, «Amanat» tulǵalar týraly málimetter bazasy ázirlenýde, - dep jalǵastyrdy dırektordyń orynbasary Qaırat Álimǵazınov.
Bıyl otandyq muraǵatshylar 1998 jyly 22 jeltoqsanda qabyldanǵan Qazaqstan Respýblıkasynyń «Ulttyq muraǵat qory jáne muraǵattar týraly» Zańynyń 25 jyldyǵyn atap ótýde.
«Ulttyq muraǵat qory jáne muraǵattar týraly» Zańnyń 25 jyldyǵyna oraı biz «Tarıhı qujat – urpaqqa amanat» muraǵat marafony biryńǵaı jobaǵa biriktirilgen qalalyq, respýblıkalyq jáne halyqaralyq deńgeıde birqatar is-sharalardy josparladyq. Zańnyń qabyldanýy – qazaq muraǵat salasynyń damýyndaǵy tarıhı kezeń. Dál osy sátten bastap normatıvtik bazany qalyptastyrý bastaldy. 25 jyl ishinde muraǵattyq qujattardy saqtaý jáne paıdalaný erejeleri qabyldandy, qujattardy saqtaý merzimderi men joıý tártibi belgilendi, memlekettik jáne vedomstvolyq muraǵattardyń jumysynda biryńǵaı qaǵıdattar men talaptar belgilendi. Zań qabyldanǵannan beri oǵan 40-tan astam ózgerister men tolyqtyrýlar engizildi»,- deıdi ol.
Arhıv mamandarynyń sózinshe, zamanaýı jaǵdaılarda salanyń damýynyń negizgi úrdisi - jańa IT tehnologııalardy engizý jáne buǵan aldyńǵy qatarly sheteldik tájirıbe dálel bolyp otyr.
Bul bir jaǵynan muraǵattar jumysyn uıymdastyrýdy jáne olar kórsetetin qyzmetterdi kórsetýdi sapaly jańa deńgeıge shyǵarýǵa múmkindik berse, ekinshi jaǵynan zamanaýı talaptarǵa jaýap beretin ádisteme men sheshimderdi ázirleýde múlde jańa mindetter qoıady.
«Tıisinshe, zańnamalyq bazany jetildirý qajet, al ózgerister strategııalyq, aldyn ala eseptelgen bolýy kerek. Qazaqstandaǵy muraǵat salasy uzaq merzimdi strategııalyq qujatty qajet etedi. Biz qazirgi jaǵdaıdy túsinýimiz kerek, bul ádisnama máseleleri, IT daǵdylary bar jańa býyn kadrlaryn daıyndaý jáne elektrondyq (tsıfrlyq) aqparattyń qaýipsizdigi máseleleri.
«Ulttyq muraǵat qory jáne muraǵattar týraly» Zańnyń 25 jyldyǵyna oraı biz «Tarıhı qujat – urpaqqa amanat» muraǵat marafony biryńǵaı jobaǵa biriktirilgen qalalyq, respýblıkalyq jáne halyqaralyq deńgeıde birqatar is-sharalardy josparladyq»,- dep atap ótti QR Prezıdenti arhıviniń ókili.
Marafonnyń basty maqsaty – múmkindiginshe kóp adamǵa Qazaqstan tarıhynyń muraǵattyq muralary, biregeı jáne baǵa jetpes qujattary týraly bilýge múmkindik berý.
