Prezıdent Muhammed Djalýd ál-Shammarı men Muhammed ıÝsýf ál-Manany qabyldady

ASTANA. KAZINFORM - Memleket basshysy Halyqaralyq aýyr atletıka federatsııasynyń prezıdenti Muhammed Djalýd ál-Shammarı men Azııa aýyr atletıka federatsııasynyń prezıdenti Muhammed ıÝsýf ál-Manany qabyldady. 

Qasym-Jomart Toqaev meımandarǵa iltıpat bildirip, yntymaqtastyqty nyǵaıtýǵa jáne Qazaqstanda aýyr atletıkany damytýǵa úles qosqany úshin federatsııalardyń basshylaryna rızashylyǵyn jetkizdi. 

Prezıdent elimizde sporttyń osy túri erekshe mańyzǵa ıe ekenin atap ótti. Búginde 20 myńnan astam otandasymyz aýyr atletıkamen júıeli túrde aınalysady. 

Sonymen qatar Memleket basshysy Qazaqstanda atalǵan sport túrin ilgeriletý úshin federatsııalarmen nátıjeli ári tyǵyz qarym-qatynasty jandandyrýǵa nazar aýdardy. 

Óz kezeginde Muhammed ıÝsýf ál-Mana qonaqjaılyq tanytqany úshin Qasym-Jomart Toqaevqa alǵys aıtyp, Qazaqstanda aýyr atletıka mektebi qalyptasqanyn málimdedi. Sondaı-aq Astana, Almaty qalalarynda aýyr atletıkadan Ortalyq Azııa elderi úshin óńirlik hab qurýǵa qajetti jaǵdaı jasalǵanyna toqtaldy. 

Al Muhammed Djalýd ál-Shammarı elimizdiń aýyr atletteri Bahreınde ótken álem chempıonatynda tabysty óner kórsetkenin atap ótip, Los-Andjeles Olımpıadasynyń lıtsenzııalyq týrnırin ótkizýge Qazaqstannyń múmkindigi mol ekenin jetkizdi. 

Kezdesý sońynda Prezıdent aýyr atletıkany ilgeriletýge úles qosqany úshin Muhammed Djalýd ál-Shammarı men Muhammed ıÝsýf ál-Manany ІІ dárejeli «Dostyq» ordenimen marapattady. 

Eske sala keteıik, buǵan deıin Memleket basshysynyń Sybaılas jemqorlyqqa qarsy is-qımyl agenttiginiń tóraǵasyn qabyldaǵanyn habarlaǵan edik.