Prezıdent Mońǵolııa Premer-mınıstri Lývsannamsraın Oıýýn-Erdenemen kezdesti
ULAN-BATYR. KAZINFORM — Kezdesýde Memleket basshysy joǵary deńgeıde qol jetkizilgen ýaǵdalastyqtardy sapaly oryndaý úshin eki el úkimetteriniń birlese kúsh-jiger jumyldyrýy kerek ekenin atap ótti.
– Búgin Sizdiń elińizge Prezıdent Hýrelsýhtyń shaqyrýy boıynsha arnaıy memlekettik saparmen kelip otyrmyn. Qazaqstan men Mońǵolııanyń arasyndaǵy yntymaqtastyqqa strategııalyq sıpat berý úshin eki el úkimetteri aldynda turǵan mindetterdi aıqyndadyq. Shyn máninde, bizge ekonomıkalyq baılanystarymyzdy damytýǵa tyń serpin beretin óte iri jobalar qajet, – dedi Qazaqstan Prezıdenti.
Qasym-Jomart Toqaev taý-ken ónerkásibi, aýyl sharýashylyǵy, kólik-logıstıka, týrızm jáne bilim salalaryndaǵy birlesken bastamalardy júzege asyrýdyń mańyzyna toqtaldy. Premer-mınıstr Lývsannamsraın Oıýýn-Erdene memleketter basshylary deńgeıinde qabyldanǵan sheshimderdi Mońǵolııa Úkimeti oryndaýǵa daıyn ekenin rastady. Onyń aıtýynsha, Ulan-Batyr Qazaqstannyń damý jolyn jiti zertteıdi.
Eske salsaq, 28-29 qazan kúnderi Prezıdent Qasym-Jomart Toqaev Mońǵolııaǵa memlekettik saparmen baratynyn habarladyq.
Memleket basshysy Prezıdent Ýhnaagıın Hýrelsýhpen kelissóz júrgizedi. Sondaı-aq Mońǵolııanyń Uly Memlekettik Hýralynyń Tóraǵasy Dashzegvıın Amarbaıasgalanmen jáne Premer-mınıstr Lývsannamsraın Oıýýn-Erdenemen kezdesedi. Myńdaǵan jyldarǵa sozylǵan tarıhı baılanysy bar eki halyqtyń qazir túrli saladaǵy qarym-qatynasy jaqsy deńgeıde. Eki el basshysynyń kezekti kezdesýinde saıası jáne ekonomıkalyq baılanystardy nyǵaıtý jaıy talqylanyp, birqatar kelissóz ótýi múmkin ekeni aıtyldy.
Sonymen qatar Qazaqstan men Mońǵolııaǵa arasyndaǵy uzaq jylǵy baılanys týraly Kazinform tilshisiniń materıalynan oqýǵa bolady.