Prezıdent mınıstrler men ákimderge bilim reformasyna qatysty saraptama jasaýdy tapsyrdy
ASTANA. QazAqparat - Qazaqstanda oqýshylardyń jazǵy demalysyn qysqartyp, úsh tilde bilim berý júıesin engizýge qatysty máselede de Úkimet qoǵamnyń pikirine qulaq asýy kerek, - dedi búgin Aqordada keńes ótkizgen Memleket basshysy Nursultan Nazarbaev.
«Jazǵy demalysty qysqartyp, úsh tilde bilim berý júıesin engizý jónindegi Bilim jáne ǵylym mınıstriniń málimdemesine qatysty da halyqtyń surary bar. Bul jerde de Úkimet qoǵamnyń pikirine qulaq asýy kerek, dástúrli túrde ótip júrgen ustazdardyń tamyz konferentsııasynda osy máseleni búge-shúgesine deıin talqylaýǵa bolady.
Oqý jylyn uzartý men úsh tilde bilim berý máselesin talqylaýǵa Qoǵamdyq keńester de tartylyp, jańa pikirtalas alańdary paıda bolý kerek. Sondyqtan, árbir mınıstr men ákimge óz ýákilettiliginiń aıasynda osy reformanyń árqaısysyna qatysty qoǵamnyń ne oılaıtynyn bilip, saraptama jasaýdy tapsyramyn», - dedi Prezıdent.
