«Prezıdent mıli» júgirisine 2643 adam qatysty
ASTANA. Tamyzdyń 16-sy. QazAqparat /Muratbek Maqulbekov/ - Tamyzdyń 14-15-i aralyǵynda ótken Sport kúni aıasynda jeksenbi kúni 2643 adam qatysqan, 2400 metr qashyqtyqqa sozylǵan «Prezıdent mıli» buqaralyq júgirisi boldy.
Jarys saǵat 12.00-de «Han shatyry» saýda-oıyn ortalyǵynda bastalyp, «Báıterek» monýmentinde aıaqtaldy.
Qyzmetkerleri júgiriske belsendi qatysqan memlekettik organ jetekshileri, atap aıtqanda Ulttyq qaýipsizdik komıtetiniń tóraǵasy Ádil Shaıahmetov, Respýblıkalyq gvardııanyń qolbasshysy Abaı Tasbolatov, qarjy mınıstri Bolat Jámishev kótermeleý gramotalaryna ıe boldy.
Áıelder arasyndaǵy alǵashqy alty oryndy Kámıla Barannık, Jaqsygúl Musylman, Núrgúl Súleımanova, Ardana Kıshlıarova, Svetlana Imangajına, Shynar Rahat aldy.
Erler arasynda Kudaıbergen Zeınýllaev, Aleksandr Şekotıhın, Nıkıta Devıatkın, Arystan Ámirbekov, Aıdyn Saparhanov, Aslan Dosymbekovter júldeger atandy.
