Prezıdent Mıhaıl Shaıdorovty II dárejeli «Barys» ordenimen marapattaıdy

ASTANA. KAZINFORM — Memleket basshysy Qasym-Jomart Toqaev Mıhaıl Shaıdorovty Qysqy Olımpıada oıyndarynyń chempıony atanýymen quttyqtady, dep habarlaıdy Aqordanyń baspasóz qyzmeti.

Prezıdent atlettiń otandyq sport tarıhynda mánerlep syrǵanaýdan tuńǵysh ret altyn medal ıelenýin tarıhı mańyzy zor jetistik retinde atap ótti.

— Qasym-Jomart Toqaev Mıhaıl Shaıdorovqa joǵary sheberligi, jeńiske degen erik-jigeri úshin alǵys aıtty. Memleket basshysy barsha sport súıer qaýym men el azamattary sportshynyń aıtýly jetistigin maqtan tutatynyn jetkizdi. Qasym-Jomart Toqaev Mıhaıl Shaıdorovty II dárejeli «Barys» ordenimen marapattaý týraly sheshim qabyldady. Sondaı-aq jattyqtyrýshylarǵa, tıisti mınıstrlikke atqarǵan jumysy úshin rızashylyq bildirdi. Prezıdent Olımpıada chempıonyna tolaıym tabys pen jeńis tiledi, — delingen habarlamada.

Budan buryn Mıhaıl Shaıdorov – Olımpıada oıyndarynyń chempıony atanǵanyn jazǵan edik.

Qazaqstan Ánurany araǵa 32 jyl salyp qysqy Olımpıada tórinde taǵy shyrqaldy.

Osylaısha Qazaqstan jalpy esepte 15-orynǵa kóterildi.

Osyǵan deıin mánerlep syrǵanaýdan 2026 jylǵy qysqy Olımpıada oıyndarynyń chempıony Mıhaıl Shaıdorov qazaqstandyqtarǵa alǵys aıtty.