Prezıdent merekelik is-sharada «Júrek jylýy» qaıyrymdylyq aktsııasyna qatysty

ASTANA. QazAqparat - Prezıdent merekelik is-sharada «Júrek jylýy» qaıyrymdylyq aktsııasyna qatysty, dep habarlaıdy Aqordanyń baspasóz qyzmeti.

Aktsııanyń maqsaty – naýryz aıy boıyna halyqtyń áleýmettik osal toptaryna qamqorlyq kórsetip, kópbalaly otbasylardan, múmkindigi shekteýli jandardan, zeınetkerlerden kelip túsken hattarda jazylǵan ótinish-tilekterdi oryndaý.

Eriktiler Memleket basshysynan sandyqtan alǵashqy hatty alyp oqýdy surady.
Qasym-Jomart Toqaev hatty oqyp, onyń ıesiniń tilegi oryndalatynyn jetkizdi. Sonymen qatar Prezıdent osynaý ıgi isti bastaǵan jastarǵa rızashylyǵyn bildirdi.

Aıta keteıik, búgin tańerteń Qasym-Jomart Toqaev elordada Naýryz meıramyna arnalǵan merekelik is-sharaǵa qatysyp, sóz sóılegen bolatyn.