Prezıdent: Túrkistanǵa yqylasym erekshe

TÚRKІSTAN. KAZINFORM – Memleket basshysy Qasym-Jomart Toqaev Túrkistan oblysynyń jurtshylyǵymen kezdesýde sóz sóıledi. Bul týraly Aqordanyń baspasóz qyzmeti habarlady. 

— Búgin atajurtymyzdyń altyn besigi — Túrkistan shaharyna taǵzym etý úshin arnaıy kelip otyrmyn. Rızamyn.

Meniń Túrkistanǵa yqylasym erekshe ekenin jaqsy bilesizder. Memleket basshysy retinde alǵashqy saparymdy osy ólkeden bastadym. Túrkistan — túbi bir túrki jurtynyń qasıetti shańyraǵy.

Bul — halqymyzdyń bolmys-bitimi, qaısar rýhy, teńdessiz mádenıeti jáne eldik dástúri kórinis tapqan kıeli jer. Áıgili Qoja Ahmet ıAsaýıdiń mol murasy — shejireli shahardyń rýhanı qazynasy.

Áziret Sultan kesenesi — túrki áleminiń berekeli tutastyǵynyń sımvoly. Tól tarıhymyzda esimi altyn árippen jazylǵan tuǵyrly tulǵalarymyz osy jerde máńgilik mekenin tapqan, — dedi Memleket basshysy. 

Aıta ketelik Memleket basshysy Túrkistan oblysyna jumys saparymen barǵan edi.