13:57, 27 Qyrkúıek 2022 | GMT +6
Prezıdent: Meniń eń úlken maqsatym – jastarǵa jol berý
TÚRKІSTAN. QazAqparat - Qasym-Jomart Toqaev Túrkistan oblysynyń ekobelsendilerimen birge Botanıkalyq baqta tal egý sharasyna qatysty, dep habarlaıdy QazAqparat BORT №1 Telegram-arnasyna silteme jasap.
Іs-shara sońynda jastarmen tildesken Prezıdent Otandy súıý adal eńbekten bastalýy kerek ekenin aıtty.
«Otandy súıý osyndaı adal eńbekten, paıdaly jumystan bastalady. Elimizdiń árbir azamaty eńbekqor bolýy kerek. Barshańyzdy qoldaımyn, maqtan tutamyn. Óskeleń urpaq – bizdiń úmitimiz, elimizdiń bolashaǵy. Biz ardager bolyp máńgi bılikte otyrmaımyz. Meniń eń úlken maqsatym – jastarǵa jol berý», – dedi Prezıdent Túrkistan jastaryna.
