Prezıdent memorgandardyń jedel sheshim qabyldaýyna múmkindik beretin jarlyqqa qol qoıdy
NUR-SULTAN. QazAqparat – QR Prezıdenti Qasym-Jomart Toqaev koronavırýs pandemııasyna qatysty tótenshe jaǵdaı boıynsha jarlyq qabyldady, dep habarlaıdy QazAqparat.
«Men memleket qyzmetiniń turaqtylyǵyn qamtamasyz etý sharalary týraly jarlyqqa qol qoıdym. Bul qujat memlekettik organdardyń tıimdiligin arttyryp, bılik vertıkalin nyǵaıtyp, daǵdarys jaǵdaıynda barlyq qajetti sheshimderdi jedel qabyldaýǵa múmkindik beredi. Qajet bolsa, salyq salasyn da qamtıdy. Jarlyq dári-dármek pen ózge de qajetti satyp alýdy ońtaılandyrylǵan tártipte, ásirese otandyq óndirýshilerden satyp alý quqyǵyn beredi. Osylaısha, biz qazirgi tótenshe jaǵdaıda óte mańyzdy bolyp otyrǵan ýaqyt pen qarjyny únemdeımiz. Halqymyzdyń danalyǵy men joǵary azamattyq jaýapkershiligi, qoǵam men memlekettiń úılesimdi jumysy barlyq qıyndyqtardy eńserýge múmkindik beretinine senimdimin», - dedi Memleket basshysy.
Esterińizge sala ketsek, keshe QR Prezıdentiniń jarlyǵymen Dúnıejúzilik densaýlyq saqtaý uıymynyń jańa COVID-19 koronavırýsyn pandemııa dep jarııalaýyna baılanysty azamattardyń ómiri men densaýlyǵyn qorǵaý maqsatynda Qazaqstan Respýblıkasynyń barlyq aýmaǵynda 2020 jylǵy 16 naýryz 08 saǵat 00 mınýt pen 2020 jylǵy 15 sáýir 07 saǵat 00 mınýt aralyǵynda tótenshe jaǵdaı engizildi.
Sondaı-aq Qazaqstan azamattaryna 15 sáýirge deıin el aýmaǵynan shyǵýǵa tyıym salyndy.
