10:05, 25 Qazan 2024 | GMT +5
Prezıdent Memlekettik tý kóterý rásimine qatysty
ASTANA. KAZINFORM – Qasym-Jomart Toqaev ulyq mereke – Respýblıka kúnine arnalǵan Memlekettik tý kóterý saltanatty rásimine qatysty. Іs-shara «Aqorda» rezıdentsııasynyń aldynda ótti.
Qurmet qaraýylynyń bastyǵy Prezıdentke raport berdi. Budan keıin Qasym-Jomart Toqaevtyń buıryǵymen Memlekettik tý kóterilip, Ánuranymyz shyrqaldy.
Barshaǵa belgili, Memleket basshysy Respýblıka kúnine oraı ótken saltanatty jıynda sóılegen sózinde elimizdiń Egemendigi týraly deklaratsııa qabyldanǵan bul kúndi qasıetti Táýelsizdigimizdiń bastaýy dep baǵa bergen bolatyn.
Ulttyq merekeni Respýblıka boıynsha resmı túrde atap ótý osy saltanatty sharadan bastaldy. Sonymen qatar Qazaqstannyń barlyq óńirinde Memlekettik tý kóterý rásimi ótedi.
