Prezıdent qalalardy damytý, memlekettik organ fýnktsııasyn ońtaılandyrý týraly zańǵa ózgeris engizdi
ASTANA. KAZINFORM — Memleket basshysy «Qazaqstan Respýblıkasynyń keıbir zańnamalyq aktilerine astanany jáne respýblıkalyq mańyzy bar qalalardy, ulttyq jobalardy damytý, kásipkerlik jáne memlekettik organdardyń fýnktsııalaryn ońtaılandyrý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy. Bul týraly Aqordanyń baspasóz qyzmeti habarlady.
Túzetýlerdiń birinshi blogy elorda men respýblıkalyq mańyzy bar qalalardy damytýǵa baǵyttaldy.
Túzetýlerdiń ekinshi blogy jer zańnamasynyń jekelegen máselelerin retteýdi kózdeıdi. Túzetýlerdiń úshinshi blogy sheteldikterdi tirkeý ınstıtýtyn engizý úshin qabyldandy.
Túzetýlerdiń tórtinshi blogy keden máselelerin retteýge baǵyttalǵan.
Túzetýlerdiń besinshi blogy ókilettikterdi ortalyqsyzdandyrý, sondaı-aq normalardy artyq zańnamalyq reglamentteýdi boldyrmaý úshin engizilip otyr.
Túzetýlerdiń altynshy blogy jylý, energııa jáne sýdyń úzdiksiz berilýin qamtamasyz etý úshin kezek kúttirmeıtin ınfraqurylymdyq problemalardy sheshý maqsatynda energetıkalyq jáne kommýnaldyq sektorlardy jańǵyrtý jónindegi ulttyq jobany iske asyrýmen baılanysty.
Túzetýlerdiń jetinshi blogy memlekettik aýdıt protsesin jetildirý úshin engizildi.
Túzetýlerdiń segizinshi blogy baǵalaý qyzmeti týraly zańnamany jetildirýge baǵyttalǵan.
Zańnyń mátini baspasózde jarııalanady.
Buǵan deıin Prezıdent áskerı-patrıottyq tárbıe baǵytyndaǵy jumysty kúsheıtýdi kózdeıtin zańǵa qol qoıǵan edi.