Prezıdent memlekettik málimetterdi basqarýdyń birtutas júıesin qurýdy tapsyrdy
ASTANA. KAZINFORM – Úkimet bıznes salasyna tsıfrlyq tásilderdi belsendi túrde engizýge múmkindik beretin arnaıy qoldaý sharalaryn ázirleýge tıis. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev málim etti.
- Sapaly tsıfrlyq damý úderisin jeke sektormen tyǵyz baılanysta qaraǵan jón. Úkimet bıznes salasyna tsıfrlyq tásilderdi belsendi túrde engizýge múmkindik beretin arnaıy qoldaý sharalaryn ázirleýge tıis. Qazir memleket kórsetetin qyzmetterdi tsıfrlandyrý, memlekettik bazalardy ózara kiriktirý jumysy júrip jatyr. Biraq munyń bári málimetterdi basqarý isiniń sapasyn jaqsarta almaı otyr. Ázirge oń ózgerister kórinbeıdi, - dedi Qasym-Jomart Toqaev.
Prezıdenttiń aıtýynsha, biryńǵaı standart engizip, málimetterdi memlekettiń strategııalyq resýrsy retinde basqarýǵa kóshý óte mańyzdy.
- Úkimetke Strategııalyq josparlaý jáne reformalar agenttigimen, sondaı-aq Ulttyq bankpen birlesip jyl sońyna deıin memlekettik málimetterdi basqarýdyń birtutas júıesin qurýdy tapsyramyn, - dedi Memleket basshysy.
Budan buryn habarlanǵandaı, Prezıdent Ata Zańymyzǵa qatysty túpkilikti sheshim jalpyulttyq referendýmda qabyldanatynyn málim etti.