Prezıdent: Memlekettiń áleýmettik saıasattaǵy róli shektelip, qoldaý osal qorǵalǵan toptarǵa jasalady
ASTANA. QazAqparat - Búgin Astanadaǵy Táýelsizdik saraıynda Qazaqstan halqyna Joldaýyn jarııalaý barysynda Elbasy Nursultan Nazarbaev Úkimetke jańa áleýmettik saıasatty ázirleýdi tapsyrdy.
«Memlekettiń áleýmettik saıasattaǵy róli shektelýi tıis, sol arqyly áleýmettik qoldaý sharalary tek qana osal qorǵalǵan sanatqa jasalýy kerek. Sonymen qatar, memlekettiń ataýly áleýmettik kómegi tek qana osy kómekke májbúr jandandarǵa beriledi. Bul rette azamattardyń naqty kiristeri men ómir súrý jaǵdaılary da baǵalanýy kerek. Qalǵan barlyq sanattaǵylar ózderiniń kúnderin ózderi kórip, ózderiniń eńbegimen tabys tabýlary tıis. Bul - eń durys sheshim», - dedi N. Nazarbaev.
Bul rette Elbasy azamattardyń jekelegen sanattarynyń erekshe qajettilikterin eskere ala otyryp, «kúnkóristiń eń tómengi deńgeıiniń shamasyn ár túrli belgileý» kerektigin atap ótti.
«Bizde qazir shahter men metallýrg úshin de, zeınetkerler de basqalar úshin de kúnkóristiń eń tómengi deńgeıi birdeı. Buny qaıta qaraý kerek. Úkimetke úsh aıdyń ishinde áleýmettik qamtamasyz etýdi ońtaılandyrý týraly usynys jasaýdy júkteımin», - dedi N. Nazarbaev.
