Prezıdent memlekettik tildi erkin meńgerýge mindetti - OSK
ASTANA. 11 aqpan. QazAqparat /Marlan Jımbaı/ - Prezıdent memlekettik tildi erkin meńgerýge mindetti jáne kez kelgen basqa memlekettik qyzmetker jiberetin qatelikterge boı aldyrmaýy kerek.
Bul týraly búgin QR Syrtqy ister mınıstrliginde elimizdegi sheteldik dıplomatııalyq mıssııa ókilderine arnaıy brıfıng ótkizgen QR Ortalyq saılaý komıssııasy tóraǵasynyń orynbasary Vladımır Foos málim etti.
«Memlekettik tildi meńgerý - Konstıtýtsııa talaby», - dep atap ótken onyń aıtýynsha, memlekettik tildi erkin meńgerý Konstıtýtsııalyq keńestiń talaptary boıynsha zańnamaǵa sáıkes qurylǵan lıngvıstıkalyq komıssııanyń otyrysynda belgilenedi.
V.Foostyń aıtýyna qaraǵanda, Prezıdenttikke kandıdatqa qoıylatyn memlekettik tildi meńgerý talaby aıtarlyqtaı qatań emes. Olar eki bettik shyǵarma jazyp, memlekettik tildegi úsh bettik mátindi oqýǵa jáne lıngvıstıkalyq komıssııa usynǵan taqyrypta 15 mınýt sóz sóıleýi qajet. Al atalǵan komıssııanyń músheleri Mádenıet mınıstrligi keńes bergen elimizdiń eń bedeldi mamandary qatarynan Ortalyq saılaý komıssııasymen tańdap alynǵan.
Sonymen qatar alǵashqy synnan súringen Ý.Qaısarov jaıyna toqtalǵan V.Foostyń atap ótýinshe, OSK-niń kandıdattyń tildi meńgerý deńgeıin baǵalaýǵa esh qatysy joq. Tek lıngvıstıkalyq komıssııanyń qorytyndysy negizinde sheshim shyǵarady.
