Prezıdent memlekettik baǵdarlamalar sanyn qysqartýdy júktedi
ASTANA. QazAqparat - Búgin Aqordada Úkimettiń keńeıtilgen otyrysynda Elbasy Nursultan Nazarbaev memlekettik baǵdarlamalar sanyn qysqartýdy júktedi.
«Memlekettik baǵdarlamalardyń sanyn qysqartý qajet, al salalyq baǵdarlamalardy múldem alyp tastaý kerek. Salalyq baǵdarlamalardyń mańyzdy tustaryn strategııalyq josparlarǵa qosý usynylady»,-dedi Memleket basshysy.
Prezıdent memlekettik organdar men ákimdikter janyndaǵy qoǵamdyq keńester rólin kúsheıtý kerektigin atap ótti.
«Bul keńester strategııalyq josparlar men baǵdarlamalardy talqylaý men oryndaýǵa, óńirlerdi damytýǵa mindetti túrde qatysady. Tipti jergilikti jerlerde bıýdjetterdi qurý kezinde de atsalysady»,-dedi N. Nazarbaev.
