Prezıdent: Mekkede Alladan bir-aq nárse suradym, ol – eldiń amandyǵy
ASTANA. QazAqparat –Memleket basshysy QR Prezıdentin ulyqtaý rásiminde qazirgi býynnyń bolashaq urpaq aldyndaǵy boryshy qandaı ekeni týraly paıymyn aıtty, habarlaıdy QazAqparat tilshisi.
«Táýelsiz elimizdi qýatty memleket retinde urpaqqa amanattaý – bizdiń boryshymyz. Alda talaı synaqtar, kúrdeli kezeńder bolýy múmkin. Degenmen yrysty yntymaǵymyzdy saqtaı bilsek, alynbaıtyn asý joq», - dedi Qasym-Jomart Toqaev.
Sondaı-aq, Memleket basshysy Mekkege barǵan saparyn eske aldy.
«Men búgin halqymnyń aldynda turyp, bastaǵan isimiz berekeli bolsyn dep tileımin. Qazaq – yrymshyl halyq. Men bıyl qasıetti Mekkege barǵan kezde Qaǵba tórinde ata-baba rýhyna quran baǵyshtap, Alladan bir-aq nárse suradym. Ol – eldiń amandyǵy», - dedi Prezıdent.
