Prezıdent medıtsına qyzmetkerlerin kásibı merekesimen quttyqtady
ASTANA. KAZINFORM – Aqordada medıtsına qyzmetkeri kúnine oraı saltanatty is-shara ótti. Jıynda Memleket basshysy Qasym-Jomart Toqaev dárigerlerdi kásibı merekesimen quttyqtap, birqatar memlekettik nagradalarmen marapattady.
– Ótken jyly biz ardaqty kásip ıeleri – medıtsına mamandaryn alǵash ret Aqordaǵa shaqyryp, qurmet kórsettik. Bıyl da ıgi dástúrge saı ózderińizdi osy jerde kórgenime óte rızamyn. Halqymyz «Birinshi baılyq – densaýlyq» degen taǵylymdy sózge erekshe mán bergen. Ult saýlyǵy – elimiz úshin bárinen qymbat qundylyq. Sondyqtan medıtsına salasyn damytý memlekettiń strategııalyq mindeti sanalady, – dedi Prezıdent.
Memleket basshysy dárigerdiń el ómirindegi orny aıryqsha ekenin, densaýlyq saqtaý salasynda qoǵam ıgiligi úshin adal qyzmet etip júrgen ár qyzmetkerdiń eńbegi eren ekenin jetkizdi.
– Halqymyz sizderdi eń qadirli mamandyq ıesi retinde syılaıdy jáne qurmetteıdi. Túptep kelgende, medıtsına mamandary elimizdiń basty baılyǵy – azamattarymyzdyń densaýlyǵyn nyǵaıtýǵa ólsheýsiz úles qosyp keledi. Men Memleket basshysy retinde osy salada tabandy eńbek etip júrgen barsha qyzmetkerge shynaıy rızashylyǵymdy bildiremin, – dedi Qasym-Jomart Toqaev.
Aıta keteıik, elimizde maýsymnyń ər úshinshi jeksenbisi – medıtsına qyzmetkerleriniń kúni. Bul kúndi atap ótý QR Prezıdentiniń 1998 jylǵy Jarlyǵymen belgilengen.
Qazaqstanda dáriger tapshylyǵy 20 paıyzǵa azaıǵan.
