Prezıdent medıtsınalyq mekemelerdiń qondyrǵylarmen jabdyqtalý deńgeıin synǵa aldy

NUR-SULTAN. QazAqparat – Prezıdent Qasym-Jomart Toqaev medıtsınalyq qondyrǵylardy satyp alý júıesin ortalyqtandyrý týraly pikir bildirdi, dep habarlaıdy QazAqparat tilshisi.

«Vırýspen kúres aıasynda densaýlyq kórsetkishteri kúrt túsip ketti. Analardyń ólimi úshten birge, júrek aýrýlarynan týyndaıtyn ólim-jitim 40 paıyzǵa ósti. Buǵan ásirese reanımatsııalyq bólimsheleri men jedel járdemniń jabdyqtalý deńgeıiniń tómendigi de áser etip otyr. Densaýlyq saqtaý uıymdaryn qajetti qondyrǵylarmen jabdyqtaýdy jedel uıymdastyrýǵa basy artyq protsedýralar jıi múmkindik bermeýde», - dedi Memleket basshysy.

Sondaı-aq, ol qajetti quraldardyń der kezinde jetpeı jatýyna jemqorlyq táýekelderdiń de qatysy bar ekenin atady.

«Medıtsınalyq ónimderdiń saraptamasy men tirkelýi joǵary jemqorlyq táýekeldermen baılanysty. Qondyrǵylardyń qunyn aqylǵa qonymsyz túsirý de jabdyqtaý deńgeıiniń tómen bolýyna áser etip otyr. Bir buıymnyń baǵasy óńir-óńirde, tipti keıde bir óńirdegi klınıkalarda ár túrli bolyp jatady. Mysaly júrek qalqanshasynyń jasandy qurylǵysy 165 myńnan 600 myń teńgege deıin qubylady. Koronarlyq stendterdiń baǵasy 150 myńnan 500 myń teńgege deıin ózgeredi. Bálkim medıtsınalyq qondyrǵylardy satyp alý dári-dármekterdi «SQ Farmatsııa» arqyly satyp alýdyń úlgisimen ortalyqtandyrý kerek shyǵar. Aıtpaqshy, bul kompanııanyń jumysynda belgili bir ilgerileý bar», - dedi Prezıdent.