Prezıdent maıdanger Kemel Toqaevqa arnalǵan eskertkish taqtaǵa gúl shoǵyn qoıdy
ASTANA. KAZINFORM — Memleket basshysy maıdanger Kemel Toqaevqa arnalǵan eskertkish taqtaǵa gúl shoǵyn qoıdy. Bul týraly Aqorda málim etti.
— Qazaqstan Prezıdenti soǵys ardagerlerine arnalǵan Omby gospıtali ǵımaratynyń qasbetindegi Kemel Toqaevtyń eskertkish taqtasyna gúl shoǵyn qoıyp, Ekinshi dúnıejúzilik soǵysta qaza tapqan bozdaqtardyń rýhyna taǵzym etti. Medıtsına mekemesinde 1941 jylǵy shildeden bastap soǵysta jaralanǵan 150 myńǵa jýyq jaýynger emdelgen. Olardyń arasynda Memleket basshysynyń ákesi Kemel Toqaev ta boldy. Ol bul jerde 1945 jyldyń aqpanynan shilde aıyna deıin em alǵan, — delingen habarlamada.
Budan keıin Prezıdent Qasym-Jomart Toqaev maıdangerlerge arnalǵan Omby gospıtaliniń qurylý tarıhymen jáne qyzmetimen tanysty.
Aıta keteıik, Prezıdent Qazaqstan–Reseı óńiraralyq yntymaqtastyq forýmyna qatysý úshin Ombyǵa bardy.
