Prezıdent maýsymdyq tótenshe jaǵdaılarǵa daıyndyqty pysyqtaýdy tapsyrdy
ASTANA. KAZINFORM – Memleket basshysy Tótenshe jaǵdaılar mınıstri Murat Muhanovty qabyldady, dep habarlaıdy Aqorda.
Kezdesý barysynda Qasym-Jomart Toqaev Tótenshe jaǵdaılar mınıstrligi qyzmetindegi basym baǵyttardy aıqyndap, vedomstvoǵa birqatar naqty mindet júktedi.
Prezıdent maýsymdyq tótenshe jaǵdaılarǵa daıyndyqty pysyqtaý, aýdandyq jáne aýyldyq bólimshelerdi odan ári damytyp, olardy tehnıkalyq jaraqtandyrý deńgeıin arttyrý jóninde tapsyrma berdi.
Órt, ónerkásip jáne seısmologııa qaýipsizdigi máselelerine, halyqty habardar etý júıesin jetildirýge, sondaı-aq qaterlerdi boljaý men erte anyqtaý úshin tsıfrlyq sheshimderdi, jasandy ıntellektini engizýge erekshe nazar aýdaryldy.
Prezıdent vedomstvonyń kadrlyq áleýetin nyǵaıtyp, qutqarýshylardyń kásibı daıarlyǵyn kúsheıtýdi tapsyrdy.
Aıta keteıik, Prezıdent «Samuryq-Qazynanyń» 2027-2029 jyldarǵa arnalǵan 21 trln teńgelik josparymen tanysty.
