Prezıdent Máskeý jáne búkil Reseı patrıarhy Kırıllmen kezdesý ótkizdi
ASTANA. KAZINFORM — Memleket basshysy Álemdik jáne dástúrli dinder kóshbasshylarynyń VIII sezine qatysý úshin Astanaǵa kelgen Máskeý jáne búkil Reseı patrıarhy Kırıllmen kezdesti, dep habarlaıdy Aqordanyń baspasóz qyzmeti.
Prezıdent búgingi kezdesý Qazaqstan men Reseı arasyndaǵy yntymaqtastyqty tereńdetý jolyndaǵy taǵy bir mańyzdy qadam ekenin atap ótti.
— Eń aldymen, Sezge arnaıy kelgenińiz úshin rızashylyǵymdy bildiremin. Sizdiń bul jıynǵa qatysýyńyz, shyn máninde, forýmnyń tabysty ótý turǵysynan mańyzdy. Biz Sizdi qurmetteımiz. Ózińizge málim, Qazaqstan men Reseı — strategııalyq seriktes, odaqtas elder, — dedi Memleket basshysy.
Patrıarh Kırıll Qasym-Jomart Toqaevqa qonaqjaılyq tanytqany úshin alǵys aıtyp, Orys pravoslavıe shirkeýiniń mıssııasy halyqtar arasyndaǵy beıbitshilik pen ózara túsinistikti nyǵaıtý ekenin málimdedi.
— Qasıetti Qazaqstanǵa kelý meni árdaıym qýantady. Bul bizdiń dostas elimiz. Ǵasyrlar boıy qatar ómir súrip kelemiz. Qazir memleketterimiz bólek bolǵanymen, dostyq, ózara qoldaý jáne yntymaqtastyq tinin berik jalǵap otyrmyz, — dedi Máskeý Patrıarhatynyń basshysy.
Budan buryn habarlanǵandaı, Astanada Álemdik dinder kóshbasshylarynyń sezi bastaldy.