Prezıdent: Mańǵystaý oblysynyń ákimi óz isine belsendi túrde kiristi

ASTANA. KAZINFORM – Búgin Memleket basshysy Qasym-Jomart Toqaevtyń tóraǵalyǵymen Mańǵystaý oblysynyń áleýmettik-ekonomıkalyq damýy jónindegi keńes ótti.

Prezıdent aýyzsý, kommýnaldyq ınfraqurylymnyń tozýy, densaýlyq saqtaý jáne bilim salasyndaǵy kemshilikterge nazar aýdardy. Memleket basshysy kásipkerlik, týrızm, ekologııalyq turaqtylyq pen kólik ınfraqurylymy týraly da aıtty. 

Prezıdent Mańǵystaý oblysynyń ákimi Nurdáýlet Qılybaıdyń jumysty jaqsy biletinin, qyzmetine belsendi túrde kiriskenin atap ótti.

- Ol aldynda turǵan mindetterdi jaqsy túsinedi jáne olardyń sheshý joldaryn biledi. Taıaý arada nátıje kútemin. Ol kótergen máseleler óte ózekti. Úkimet olardy jan-jaqty qarap, múmkindiginshe sheshýi kerek, - dedi Memleket basshysy.