Prezıdent: Mańdaı termen kelgen adal eńbektiń qadirin biletin jurt ozyq oıly ult bolady

ASTANA. KAZINFORM – Aqordada ótken saltanatty jıynda Prezıdent Qasym-Jomart Toqaev qoǵamdaǵy eńbek adamynyń orny týraly pikir bildirdi.  

Memleket basshysynyń aıtýynsha, mańdaı termen kelgen adal eńbektiń qadirin biletin jurt ozyq oıly ult bolady.

– Eńbekqorlyq – eń asyl qasıettiń biri. Men ár sózimde osy máselege erekshe mán beremin. Mańdaı termen kelgen adal eńbektiń qadirin biletin jurt ozyq oıly ult bolady. Halqymyzda «Eńbegine qaraı – qurmeti» degen jaqsy sóz bar. Eńbek adamy – el adamy. Eńbek adamy, eń aldymen, týǵan eliniń jarqyn keleshegi úshin aıanbaı jumys isteıtin adam. Sondyqtan qazir biz elimizde jumysshy mamandaryn keńinen dáriptep, olarǵa erekshe qurmet kórsetip jatyrmyz. Men jyl basynan beri elimizdiń ár salasynda jumys istep júrgen azamattardy arnaıy shaqyryp, marapattap jatyrmyn. Muny halqymyzdyń Sizderge kórsetken ystyq yqylasy, shynaıy qurmeti men alǵysy dep túsingen jón, – dedi Prezıdent.

Aıta keteıik, Qasym-Jomart Toqaev sońǵy jyldary memleket ekonomıkanyń túrli salasyna shetel ınvestıtsııasyn júıeli túrde tartý jumysyna erekshe nazar aýdaryp otyrǵanyn jetkizdi.

Aqordada ótken saltanatty jıynda Prezıdent Qasym-Jomart Toqaev munaı-gaz kesheni el ekonomıkasynyń asa mańyzdy salasy ekenin atap ótti.