Prezıdent MÁMS týraly zańǵa túzetý engizdi
ASTANA.KAZINFORM - Memleket basshysy «Qazaqstan Respýblıkasynyń keıbir zańnamalyq aktilerine mindetti áleýmettik medıtsınalyq saqtandyrý jáne medıtsınalyq qyzmetter kórsetý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy. Bul týraly Aqordanyń baspasóz qyzmeti habarlady.
Zańnyń mátini baspasózde jarııalanady.
Aıta keteıik, byltyr MÁMS aıasynda 1,1 trln teńgege medıtsınalyq kómek kórsetildi. Kórsetkish 2023 jylmen salystyrǵanda 12% joǵary.
2026 jylǵy 1 qańtardan bastap otandyq densaýlyq saqtaý júıesinde jańa normalar kúshine enedi.
Májilis pen Senat maquldaǵan tıisti zań Prezıdenttiń qol qoıýyna joldanǵan bolatyn. Qazaqstandyqtar men densaýlyq saqtaý júıesin qandaı ózgerister kútip turǵanyn Kazinform agenttiginiń tilshisine Densaýlyq saqtaý mınıstri Aqmaral Álnazarova aıtyp bergen edi.
— 2021 jyly Memleket basshysy kepildendirilgen jáne saqtandyrý paketine kiretin qyzmetti naqty ajyratý qajet ekenin tapsyrdy. Jańa zań jobasy aıasynda qyzmetti naqty bóldik. Bul emhanalar úshin barlyq qarjy jáne patsıent aǵynyn basqarýǵa múmkindik beredi, ashyqtyqty qamtamasyz etedi, — dedi Aqmaral Álnazarova.
Ekinshi mańyzdy ózgeris – onkologııalyq skrınıng mindetti áleýmettik medıtsınalyq saqtandyrý (MÁMS) paketinen kepildendirilgen tegin medıtsınalyq kómek kólemi (TMKKK) paketine kóshirildi. Bul búkil halyqqa onkologııalyq aýrýlardy erte anyqtaý qyzmettine qol jetkizýge múmkindik beredi.
Úshinshi jańashyldyq josparly medıtsınalyq kómek alýdyń aıasy keńeıdi.