Prezıdent Makrondy Frantsııanyń ulttyq merekesimen quttyqtady
ASTANA. KAZINFORM — Memleket basshysy Frantsııa Prezıdentine quttyqtaý jedelhatyn joldady, dep habarlaıdy Aqordanyń baspasóz qyzmeti.
Qasym-Jomart Toqaev Emmanıýel Makrondy Frantsýz Respýblıkasynyń ulttyq merekesi — Bastılııany alý kúnimen quttyqtady.
— Memleket basshysy búginde Frantsııa saıası, áleýmettik-ekonomıkalyq, mádenı-gýmanıtarlyq salalarda eleýli jetistikke jetken halyqaralyq qoǵamdastyqtyń bedeldi múshesi ekenin atap ótip, dostas frantsýz halqynyń odan ári ósip-órkendeı berýine tilektestik bildirdi, — delingen habarlamada.
Sondaı-aq Qazaqstan men Frantsııa qarym-qatynasy strategııalyq seriktestikke ulasqanyna nazar aýdaryp, osy ıgi iske Emmanıýel Makronnyń qosqan úlesin joǵary baǵalaıtynyn jetkizdi.
Buǵan deıin Qasym-Jomart Toqaev Mońǵolııa Prezıdentin Naadam merekesimen quttyqtaǵan edi.