Prezıdent maqalasyndaǵy mańyzdy bastamalardy keńinen túsindirý kerek – ǵalym
Bul týraly fılologııa ǵylymdarynyń doktory, professor Raqymjan Turysbek aıtty, dep habarlaıdy QazAqparat tilshisi.
«Prezıdenttiń Hakim Abaı týraly Bas basylymdaǵy maqalasymen tanystym. Gazettik nusqasyn qolyma alyp, astyn syzyp jiti oqydym. Əsirese, aqyn mereıtoıyn laıyqty atap ótýdiń baǵyttary, júıesi, joldary anyq kórsetiledi. Abaıdyń el tarıhy men rýhanııatyna óshpes iz qaldyrǵany barshaǵa aıan. Sondyqtan Abaı əleminiń biregeı qubylys ekendigi atap ótiledi. Budan basqa, Abaı shyǵarmalarynan úzindi oqý estafetasyna, onyń ózektiligine, taǵylymdy tustaryna mən beriledi. Abaı shyǵarmalarynyń bilim berý men tərbıeleý isindegi ornyna, ərtúrli ónerdi, onyń ishinde til úırený baǵytyna basymdyq qoıylǵan. Mańyzdysy, Abaı armany - halyq armany ekendigi aıqyn ańǵarylady. Maqalanyń mańyzdy həm taǵylymdy tustary osynda dep bilemin», - dedi Raqymjan Turysbek.
Osy oraıda professor Memleket basshysy maqalysyndaǵy taǵylymdy usynystar men bastamalardy qoǵamda keńinen túsindirý kerektigin atap ótti.
Aıta keteıik, Qasym-Jomart Toqaevtyń «Abaı jáne HHІ ǵasyrdaǵy Qazaqstan» atty maqalasy «Egemen Qazaqstan» basylymynyń búgingi sanynda jarııalandy.
«Ótken jyly Abaıdyń shyǵarmalarynan úzindi oqý estafetasy ótti. Láılim atty oqýshy qyz usynǵan bul eldik sharaǵa men de qatysyp, qoldaý kórsettim. Mektep oqýshylarynan el azamattaryna, tipti, álemdik deńgeıdegi tanymal tulǵalarǵa deıin zor qyzyǵýshylyq tanytyp, lezde ilip áketken bul bastama birneshe aıǵa ulasty. Sonyń arqasynda búkil Qazaqstan Abaı murasyn taǵy bir zerdelep shyqty. Bul – Abaıǵa degen qurmet ári urpaqty tárbıeleýdiń tıimdi tásili. Abaı jyrlaryn oqý chellendji bıyl, aqyn mereıtoıy tusynda jańasha jandanady dep senemin», - dep atap ótti Prezıdent óz maqalasynda.
Foto: abaialemi.kz
