Prezıdent mádenıet, aqparat jáne jastar saıasatyn damytý jóninde naqty mindetter júktedi

ASTANA. KAZINFORM — Memleket basshysy Premer-mınıstrdiń orynbasary – Mádenıet jáne aqparat mınıstri Aıda Balaevany qabyldady. Bul týraly Aqordanyń baspasóz qyzmeti habarlady. 

Aıda Balaeva memlekettiń áleýmettik saıasatyn iske asyrýdyń negizgi baǵyttary, atap aıtqanda, vedomstvoaralyq yqpaldastyqty kúsheıtý, qyzmetter sapasyn arttyrý, adam kapıtalyn damytý jáne salany tsıfrlandyrý sharalary jóninde baıandady.

Mádenıet pen aqparat, din jáne etnosaralyq qatynastar, azamattyq qoǵam, sondaı-aq otbasy, jastar saıasaty salalarynda atqarylyp jatqan jumystar týraly málimet berdi.

Memleket basshysy atalǵan baǵyttardy odan ári jetildirý boıynsha birqatar naqty tapsyrma júktedi. 

Aıta ketelik Memleket basshysy óńirlik júk avıahabtaryn damytý jóninde keńes ótkizgen edi.