Prezıdent Lıýksembýrgtiń jańa Uly Gertsogy Gııomdy taqqa otyrýymen quttyqtady

ASTANA. KAZINFORM — Memleket basshysy Lıýksembýrgtiń jańa Uly Gertsogy Gııomǵa quttyqtaý jedelhatyn joldady. Bul týraly Aqorda málim etti.

Qasym-Jomart Toqaev Lıýksembýrgtiń jańa Uly Gertsogy Gııomdy taqqa otyrýymen quttyqtady.

— Qazaqstan Lıýksembýrgpen aradaǵy dostyqqa, ózara qurmetke negizdelgen uzaq merzimdi seriktestikti joǵary baǵalaıdy. Sizben osy nátıjeli yntymaqtastyqty odan ári nyǵaıtyp, halyqtarymyzdyń ıgiligi jolynda ekijaqty yqpaldastyqtyń tyń múmkindikterine jol ashatynymyzǵa senimdimin, — delingen jedelhatta.

Sondaı-aq Prezıdent Joǵary Mártebeli Korol Anrıdiń Uly Gertsog retinde atqarǵanjaýapty memlekettik qyzmetin aıaqtaýyna baılanysty iltıpat bildirip, tilektestigin jetkizdi. 

Aıta keteıik, Qasym-Jomart Toqaev 6-7 qazan kúnderi Ázerbaıjanǵa saparmen barady.